जेईई मुख्य परीक्षेच्या नॅशनल टेस्टिंग एजन्सीने संयुक्त प्रवेश परीक्षेच्या पॅटर्नमध्ये मोठा बदल केला आहे. यानुसार आता पेपरच्या सेक्शन बीमध्ये फक्त पाच प्रश्न दिले जाणार आहेत. उमेदवारांना हे सर्व प्रश्न सोडवावे लागतील. यापूर्वी पेपरच्या विभाग बी मध्ये 10 प्रश्न दिले जात होते. त्यात 5 प्रश्न सोडवावे लागत होते, मात्र आता हा पर्याय बंद करण्यात आला आहे.
एनटीएने अधिकृत वेबसाईटवर जारी केलेल्या अधिसूचनेत ही माहिती दिली आहे. एजन्सीने पुढे सांगितले आहे की, ‘कोविड काळात प्रश्नांचे पर्यायी स्वरूप बंद करण्याचा निर्णय घेतला होता. या अंतर्गत विभाग बीमध्ये प्रत्येक विषयासाठी फक्त 5 प्रश्न असतील आणि उमेदवारांना पाचही प्रश्नांची उत्तरे द्यावी लागतील. जेईई मेनसाठी जारी केलेल्या माहिती बुलेटिनमध्ये त्याचे तपशील दिले जातील, जे उमेदवारांना परीक्षेची पद्धत समजून घेण्यास मदत करेल.’
