सध्या OTT ची चलती आहे. विविध सिरिजने प्रेक्षकांची मने जिंकत OTT प्लॅटफॉर्मकडे मोठा प्रेक्षक वर्ग वळवला आहे. यामध्ये मिस्ट्री, थ्रिलर, बोल्ड विषय अधिक चालतात. अशाच प्रकारे मर्डर मिस्ट्रीवर आधारित एक सिरिज‘हनीमून फोटोग्राफर’ लवकरच येणार आहे.
‘हनीमून फोटोग्राफर’चा ट्रेलर नुकताच प्रसारित झाला आहे. यामध्ये वराचा मृतदेह समुद्रकिनाऱ्यावर आढळल्यावर गोंधळ उडतो. आशा नेगी, साहिल सलाथिया, राजीव सिद्धार्थ आणि अपेक्षा पोरवाल मुख्य भूमिकेत आणि अर्जुन श्रीवास्तव दिग्दर्शित, ऋषभ सेठच्या ग्रीन लाइट प्रॉडक्शनने निर्मित, ही सिरिज 27 सप्टेंबर रोजी जिओ सिनेमा प्रिमिअर वर प्रदर्शित होणार आहे.
यात आशा नेगी ही हनिमून फोटोग्राफरच्या भूमिकेत आहे. जेव्हा अधीर समुद्रकिनार्यावर मृतावस्थेत आढळतो तेव्हा ट्रिप त्वरीत एक भयानक रुप धारण करते. अंबिकाला आदल्या रात्रीचे काही आठवत नाही. यामध्ये संशयाची सूई अनेकांकडे वळते. सहा पार्टमध्ये ही मालिका असणार आहे.
आशा नेगी म्हणते की, ‘माझ्या कारकिर्दीत, मी अनेक भूमिका केल्या आहेत, परंतु त्यापैकी बहुतेक रोमँटिक आणि कुटुंबकेंद्रित आहेत. मी हनीमून फोटोग्राफर निवड केली ती त्याच्या नाविन्यामुळे. सिरिजच्या नावावरून तुम्ही गृहीत धरलेल्यापेक्षा हा विषय खूप वेगळा आहे.’
