बॉलीवूडमधील स्टार कपल दीपिका पादुकोन आणि रणवीर सिंह यांना 8 सप्टेंबर रोजी कन्यारत्न झाले. आई झाल्याच्या एका आठवड्यानंतरच दीपिकाने नवीन घर खरेदी केले आहे. सासूच्या घराजवळच वांद्रे येथे दीपिकने नवीन घर खरेदी केले आहे. या घराची किंमत 17.8 कोटी रुपये इतकी आहे.
वांद्रे येथील सागर रेशम कॉर्पोरेटिंग हाऊसिंग सोसायटीमध्ये पंधराव्या मजल्यावर दीपिकाने नवीन घर घेतले आहे. या सोसायटीमध्ये 4 बीएचके आणि 5 बीएचके अपार्टमेंट आहेत. दीपिकाचे वडील सहमालक असलेल्या कंपनीच्या नावे हा 171.47 स्क्वेअर मीटरचा फ्लॅट खरेदी करण्यात आला आहे.
याआधी दीपिका आणि रणवीरने वांद्रे येथे शाहरुख खानच्या मन्नत बंगल्याजवळच 100 कोटींचा फ्लॅट बुक केला आहे. या इमारतीचे सध्या बांधकाम सुरू आहे. हे अपार्टमेंट तयार झाल्यानंतर दीपिका आणि रणवीर येथे शिफ्ट होणार आहेत.
