कोलकात्यात एस एन बॅनर्जी रोडवर स्फोट, महिला जखमी; तपास सुरू

सामना ऑनलाईन
|

कोलकातामध्ये एस एन बॅनर्जी रोडवर एका बॅगचा भीषण स्फोट झाला आहे. या स्फोटात दोनजण जखमी झाले आहेत. यामध्ये एक महिलेचा सुद्धा समावेश असून त्यांना तत्काळ एनआरएस मेडिकल रुग्णालयात दाखल करण्यात आले आहे.

मिळालेल्या माहितीनुसार, दुपारी 01.45 च्या सुमारास एसएन बॅनर्जी रोडवर सदर घटना घडली. रस्त्यावर पडलेली बॅग तिथून जाणाऱ्या कचरा उचलणाऱ्या व्यक्तीने उचलण्याचा प्रयत्न केला आणि तेव्हाच मोठा स्फोट झाला. या स्फोटात बापी दास (58) आणि अन्य एक महिला जखमी झाले असून त्यांना एनआरएस मेडिकल रुग्णालयात दाखल करण्यात आले आहे. प्रत्यक्षदर्शीनी दिलेल्या माहितीनुसार, बापी दास यांचा उजव्या हाताला गंभीर दुखापत झाली आहे.

घटनेची माहिती मिळातच बीडीडीएसच्या जवानांनी घटनास्थळी पोहोचून स्फोट झालेल्या परिसराची तपासणी केली. जवानांनी तपासणी केल्यानंतर सदर रस्ता वाहतुकीसाठी चालू केला आहे. स्फोटाचे कारण अद्याप समजू शकले नसून अधिक तपास पोलीस करत आहेत.

संबंधित बातम्या या पब्लिशरकडून आणखी