मुसळधार पावसामुळे नाल्याला पूर आल्याने पिकअप वाहन वाहून गेल्याची घटना यवतमाळमध्ये घडली. सुदैवाने वाहन चालक यात सुखरूप बचावला आहे. वणी तालुक्यातील शिंदोला लगतच्या शेवाळा येथे बुधवारी सायंकाळी ही घटना घडली. या घटनेचा व्हिडिओ समोर आला आहे.
मुसळधार पावसामुळे नाल्याला पूर आल्याने पिकअप वाहन वाहून गेल्याची घटना यवतमाळमध्ये घडली. सुदैवाने वाहन चालक यात सुखरूप बचावला आहे. pic.twitter.com/1BmPZDwKn9
— Saamana (@SaamanaOnline) September 5, 2024
शेवाळावरून सावंगीच्या दिशेने वाहत असलेल्या नाल्यातून पिकअप वाहन मार्गक्रमण करीत होते. नाल्यात वाहन बंद पडले. वाहन चालकाने वाहन सुरू करून नाला पार करण्याचे प्रयत्न केले. मात्र, त्याचे हे प्रयत्न निष्फळ ठरले. प्रसंगावधान राखत चालक बाहेर पडला. उपस्थित नागरिकांनी वाहन पाण्यातून बाहेर काढण्याचे प्रयत्न केले. मात्र त्यांना यश आले नाही.
यवतमाळमध्ये मुसळधार पाऊस सुरू आहे. पावसामुळे नदी-नाले ओसंडून वाहत आहेत. नाल्यांना पूर आल्याने रस्तेही पाण्याखाली गेले आहेत.
