दिल्ली महानगरपालिकेच्या प्रभाग समितीच्या निवडणुकीत भारतीय जनता पक्षाने 12 पैकी 7 वॉर्ड जिंकले. आपने 5 वॉर्डवर विजय मिळवला. सकाळी 10 वाजल्यापासून दुपारी 4 वाजेपर्यंत झालेल्या निवडणुकीचा निकाल सायंकाळी जाहीर करण्यात आला.
निवडणुकीत नगरसेवकांनी 12 पैकी 9 विभागस्तरीय प्रभाग समित्यांमध्ये अध्यक्ष, उपाध्यक्ष आणि स्थायी समिती असे प्रत्येकी एक सदस्य निवडीसाठी मतदान केले. दरम्यान, महापौर शेली ऑबेरॉय यांनी हे निकाल मानण्यास नकार दिला असून निवडणूक रद्दबातल ठरवली आहे.
नरेला, सिव्हील लाईन्स, केशवपुरम, शहादरा नॉर्थ, नझाफगड, शहादरा साऊथ आणि सेंट्रल झोन या जागांवर भाजपचे उमेदवार निवडून आले. तर करोल बाग, वेस्ट साऊथ सीटीएसपी आणि रोहिणी झोन्समध्ये आपच्या उमेदवारांनी बाजी मारली.
