मानखुर्दमध्ये सोमवारी एका 22 वर्षीय तरुणाने 12 वर्षांच्या मुलावर लैंगिक अत्याचार केल्याचा घृणास्पद प्रकार घडला. या प्रकरणी मुलाच्या आईने दिलेल्या तक्रारीवरून मानखुर्द पोलिसांनी गुन्हा दाखल करून आरोपीला अटक केली.
पीडित मुलगा आणि आरोपी मानखुर्दमधील एकाच परिसरात राहतात. सोमवारी संध्याकाळी दारूच्या नशेत असताना आरोपी मुलाला सोबत घेऊन एका निर्जनस्थळी गेला. तेथे त्याने मुलासोबत गैरपृत्य केले. मुलाने हा प्रकार घरी सांगितल्यानंतर त्याच्या संतप्त आईने पोलीस ठाणे गाठून तक्रार दिली. पोलिसांनी तत्काळ या प्रकरणी बलात्कार व पोक्सो अंतर्गत गुन्हा दाखल करून आरोपीला बेडय़ा ठोकल्या. पोलीस अधिक चौकशी करीत आहेत.
