रत्नागिरी जिह्यातील देऊद येथील कातळशिल्पाला राज्य संरक्षित स्मारक म्हणून दर्जा मिळाला आहे. त्यासंदर्भातील प्रक्रिया पूर्ण झाली असून त्यासंदर्भात राजपत्रात प्रसिद्धी करण्याच्या सूचना आज राज्य सरकारने दिल्या.
पर्यटन व सांस्कृतिक कार्य विभागाने यासंदर्भातील शासन निर्णय आज जारी केला. रत्नागिरी जिह्यामध्ये रत्नागिरी, संगमेश्वर, राजापूर तालुक्यांमधील सड्यांवर पाषाणयुगातील अनेक कातळशिल्पे आहेत. त्याचे जतन करण्याची मागणी संशोधक मंडळींनी केली होती.
