एकही पात्र उमेदवाराचे नावाने वगळले जाणार नाही, तसेच पात्र मतदार मतदानापासून वंचित राहणार नाही, यासाठी निवडणूक आयोग व प्रशासन आटोकाट प्रयत्न करीत आहे. जिल्ह्यात 147 नकीन मतदान केंद्रे करण्यात आली असून, 107 मतदान केंद्रांच्या ठिकाणात बदल केले आहेत. 83 मतदान केंद्रांच्या नावात बदल केलेला आहे. नवमतदारांच्या नोंदणीत राज्यात सातारा जिल्हा अव्वल आहे. गेल्या दोन वर्षांत दोन लाख पाच हजार 828 मतदारांची नव्याने नोंदणी झाली आहे, असे विभागीय आयुक्त तथा मतदार यादी निरीक्षक चंद्रकांत पुलकुंडवार यांनी सांगितले.
मतदार यादीसंदर्भात निकडणूक आयोगाच्या सूचनेनुसार मतदार याद्यांचा दुसरा विशेष पुनरीक्षण कार्यक्रम राबविण्यात येत आहे. मतदार यादी पुनरीक्षण कार्यक्रम जाहीर झाला असून, दावे आणि हरकती 20 ऑगस्टपर्यंत स्वीकारण्यात येणार आहेत. प्रसिद्ध झालेल्या मतदार याद्यांवर कोणाचा आक्षेप असल्यास तो कागदपत्रांच्या आधारे सादर करावा. विहित पद्धतीने त्याची पडताळणी केली जाईल, असे सांगून पुलकुंडवार म्हणाले, ‘एकही पात्र मतदार मतदानापासून वंचित राहू नये. 18 वर्षे पूर्ण केलेल्या नवमतदारांची नोंदणी निश्चितपणे होईल, याची दक्षता घ्यावी. नावे चुकणे, नोंदणी राहणे, नावे वगळली गेल्यास सर्व मतदारांनी याबाबत खात्री करून घ्यावी.
जिल्हाधिकारी डुडी यांनी नवीन मतदान केंद्रेनिर्मितीत जिल्हा आघाडीवर असून, मतदार यादीतून मयत मतदारांची नावे खात्री करून वगळली जातील. बोगस नवमतदारांची नोंदणी झाल्याचे निदर्शनास आल्यास गुन्हे दाखल केले जातील तसेच 73 मतदान केंद्रांच्या विलिनीकरणाचा प्रस्ताव आहे. एक मतदान केंद्र रद्द केले आहे.
25 लाख 88 हजार मतदारांची नोंदणी
यावेळी अधिकाऱयांची बैठक किभागीय आयुक्त पुलकुंडवार यांनी घेतली. या बैठकीत जिल्हाधिकारी डुडी यांनी आढावा सादर केला. जिह्यात आठ किधानसभा मतदारसंघ असून, प्रसिद्ध केलेल्या मतदार यादीनुसार जिह्यात 25 लाख 88 हजार 219 मतदारांची नोंदणी आहे. यामध्ये 13 लाख 16 हजार 963 पुरुष, 12 लाख 71 हजार 153 महिला, तर 103 तृतीयपंथीय मतदारांची नोंदणी आहे. जिह्यात 20 हजार 147 दिव्यांग, 37 हजार 476 मतदार 85 वर्षांकरील आहेत. 18 ते 19 वर्षे वयोगटातील 52 हजार 865 मतदार आहेत. नवमतदारांच्या नोंदणीत जिल्हा राज्यात अव्व्ल आहे. गेल्या दोन वर्षांत दोन लाख पाच हजार 828 मतदारांची नव्याने नोंदणी झाली आहे. तर, एक लाख 79 हजार 166 मतदारांची नाके विविध कारणांनी वगळण्यात आली आहेत.
