देशातील सर्वात मोठा बहुराष्ट्रीय हवाई सराव ‘तरंग शक्ती’ ऑगस्ट, सप्टेंबरमध्ये दोन टप्प्यांत होणार आहे. सरावाचा पहिला टप्पा 6 ते 14 ऑगस्टदरम्यान तामीळनाडूमधील सुलूर येथे आणि दुसरा टप्पा 29 ऑगस्ट ते 14 सप्टेंबरदरम्यान जोधपूर येथे होणार आहे. जवळपास 30 देश यात सहभागी होणार आहेत. भारतीय हवाई दलाची तेजस, मिराज 2000 आणि राफेल विमाने या मेगा सरावात हिंदुस्थानच्या संरक्षण सामर्थ्याचे प्रात्यक्षिक दाखवतील. फ्रान्स, जर्मनी, ऑस्ट्रेलियासह अनेक देशांची लढाऊ विमाने या सरावात सहभागी होत आहेत.
