सध्या महाराष्ट्रातील अनेक भागात मुसळधार पाऊस सुरू असून अनेक शहरांना हवामान खात्य़ाने रेड अलर्ट दिला आहे. ठाण्यात 26 व 27 जुलैला पोलीस भरतीसाठी महिलांची मैदानी चाचणी होणार होती. मात्र ठाण्यात येत्या दोन दिवसात मुसळधार पावसाची शक्यता हवामान खात्याने वर्तवली असल्याने ही चाचणी पुढे ढकलण्यात आली आहे.
ठाणे शहर पोलीस भरती सन २०२२ – २०२३ उमेदवार यांना सूचना #PoliceBharti2022-2023 pic.twitter.com/30IqtVFUP4
— Thane City Police -ठाणे शहर पोलीस (@ThaneCityPolice) July 25, 2024
ठाणे शहर पोलीस भरतीसाीठी 26 जुलै व 27 जुलैला साकेत मैदान राबोडी, ठाणे येथे महिलांची शारिरीक मोजमाप व मैदानी चाचणी होणार होती. मात्र पावसामुळे ही चाचणी पुढे ढकलली आहे. ठाणे पोलीस आयुक्तालयाकडून एक पत्रक जारी करत महिलांची मैदानी चाचणी रद्द करण्यात आली आहे. त्याऐवजी आता 1 ऑगस्ट आणि 2 ऑगस्टला ही मैदानी चाचणी होणार आहे.
