बॉलीवूडच्या टी सिरीज या कंपनीचे सह-मालक आणि अभिनेते कृष्णा कुमार यांच्या मुलीचे गुरुवारी निधन झाले. तीशा कुमार असे त्यांच्या मुलीचे नाव असून ती केवळ 21 वर्षांची होती. कॅन्सरशी सुरू असलेली तिची झुंज अपयशी ठरली.
काही दिवसांपूर्वीच तीशाला कर्करोगाचे निदान झाले होते. यानंतर तिच्यावर उपचारही सुरू होते. पुढील उपचारासाठी कृष्णा यांनी तीशाला जर्मनीला नेले. जर्मनीतील रुग्णालयात गुरूवारी उपचारादरम्यान तिने प्राण सोडला. मुलीच्या निधनामुळे कृष्णा कुमार यांना कन्याशोक झाला असून त्यांच्या कुटुंबावर दु:खाचा डोंगर कोसळला आहे.
Producer #KrishanKumar and daughter #TishaaKumar graced the #SpecialScreeningofAnimal recently! 🎬🌟 #Bollywood pic.twitter.com/I2PF2RXY3f
— Filmyape (@Filmyape) December 2, 2023
अभिनेते कृष्णा कुमार चित्रपटसृष्टीत सक्रिय असले तरी त्यांची मुलगी तीशा मात्र या सगळ्यापासून लांबच होती. अॅनिमल या चित्रपटाच्या एका पार्टीत तीशा वडिलांसोबत दिसली होती. त्यामुळे तीशा कुमारच्या निधनाने संपूर्ण सिनेसृष्टीला धक्का बसला आहे.
कोण आहेत कृष्णा कुमार?
अभिनेता आणि टी-सीरिज या कंपनीचे सह-मालक कृष्णा यांनी नव्वदीच्या दशकात अनेक चित्रपटांमध्ये काम केलं. 1995 मधील बेवफा सनम या चित्रपटामुळे त्यांना प्रसिद्धी मिळाली. टी- सिरीज कंपनीचे मालक गुलशन कुमार हे कृष्णा यांचे मोठे भाऊ आहेत. गुलशन कुमार यांच्या हत्येनंतर कृष्णा यांनीच टी-सीरिजची धुरा सांभाळली.
