पुणे जिल्हाधिकारी कार्यालयात धुमाकूळ घालणाऱया प्रोबेशनरी आयएएस अधिकारी पूजा खेडकर यांची वाशीमला रवानगी करण्यात आली खरी; परंतु केंद्रीय नागरी सेवा न्याय प्राधिकरण (पॅट) समोरील एका प्रकरणामध्ये अपंगत्व प्रमाणपत्र मानसिक आजार असल्याचे प्रतिज्ञापत्र दिल्यानंतरही त्यांची प्रशासकीय सेवेत नियुक्ती कशी झाली हा मुद्दादेखील आता समोर आला आहे.प्रोबेशनरी आयएएस म्हणून पुणे जिल्हाधिकारी कार्यालयात नियुक्ती मिळालेल्या पूजा खेडकर यांनी त्या वापरत असलेल्या खाजगी ऑडी गाडीवर अंबर दिवा लावला. त्यावर सुरुवातीला भारत सरकार असे लिहिले. त्यानंतर ते बदलून महाराष्ट्र शासन अशी पाटी लावली.
