सर्वोच्च न्यायालयात सुनावणीदरम्यान एक विचित्र घटना घडली. एक व्यक्ती बनियन घालून सर्वोच्च न्यायालयात सुनावणीसाठी हजर राहिली. त्यामुळे न्यायाधीश संतप्त झाल्या. कोर्ट 11 मध्ये सोमवारी एक जण व्हिडीओ कॉन्फरन्सिंगच्या मदतीने सहभागी झाला. त्या व्यक्तीने बनियन घातली होती. न्यायमूर्ती बी. व्ही. नागरत्ना त्या व्यक्तीला पाहताच संतापल्या. न्यायाधीशांनी त्वरित विचारले, बनियनमध्ये दिसणारी ही व्यक्ती कोण आहे? कुणी पक्षकार आहे की असाच इथे आहे? त्याला बाहेर काढा.’’ न्यायमूर्ती नागरत्ना यांचा राग इथेच थांबला नाही. त्यांनी कोर्ट मास्टरला त्या व्यक्तीला इथून हटवायची विनंती केली. असा प्रकार पहिल्यांदा घडलेला नाही. यापूर्वीही अशी प्रकरणे घडलेली आहेत.
