विधान परिषदेच्या द्विवार्षिक निवडणुकीसाठी काँग्रेसने डॉ. प्रज्ञा राजीव सातव यांना उमेदवारी दिली आहे. डॉ. सातव यांच्या उमेदवारीची घोषणा आज नवी दिल्लीतून करण्यात आली. विधानसभेतील संख्याबळ लक्षात घेऊन काँग्रेसने विधान परिषदेला एकच उमेदवार देण्याचा निर्णय घेतला आहे. काँग्रेस आमदार शरद रणपिसे यांच्या निधनाने रिक्त झालेल्या विधान परिषदेच्या एका जागेसाठी नोव्हेंबर 2021 मध्ये पोटनिवडणूक घेण्यात आली होती. या पोटनिवडणुकीत काँग्रेसने डॉ. सातव यांना पहिल्यांदा उमेदवारी दिली होती.
