भरधाव वेगातील बेस्ट बसने धडक दिल्याने नातीचा जागीच मृत्यू झाला तर आजोबा जखमी झाले. युवा चंद्र असे मृत मुलीचे नाव आहे. या प्रकरणी बसचालक सागर कोळीला बोरिवली पोलिसांनी अटक केली. नवलकिशोर सिंह हे बोरिवलीच्या कांती पार्क परिसरात राहतात. ते नात युवाबरोबर मोटरसायकलने बोरिवलीच्या दिशेने जात होते. मोटरसायकल इटोपिया टॉवरजवळ असताना बसने त्यांच्या मोटरसायकलला धडक दिली. त्यात युवाचा मृत्यू झाला तर सिंह जखमी झाले.
