लोकसभा निवडणुकीच्या सातव्या आणि शेवटच्या टप्प्यात उद्या सात राज्ये आणि एका केंद्रशासित प्रदेशातील 57 जागांवर मतदान होणार आहे. त्यानंतर 4 जून रोजी मतमोजणी होणार असून त्याची प्रतीक्षा सर्वांनाच असणार आहे.
एक्झिट पोलकडे नजरा
उद्या सायंकाळी सहा वाजता लोकसभा निवडणुकीचे मतदान पूर्ण होणार आहे. त्यानंतर अर्ध्या तासाने साडेसहा वाजल्यापासून एक्झिट पोल जाहीर करण्यास परवानगी देण्यात आली आहे. हे एक्झिट पोल विविध वृत्तवाहिन्यांवर जाहीर होणार असून त्यात कोणाची सरशी असेल, याबाबत उत्सुकता ताणली गेली आहे.
