कर्नाटकमधील सेक्स स्कँडल आणि लैंगिक शोषणाचे आरोप असणारा जेडीएसचा निलंबित खासदार प्रज्ज्वल रेवन्ना याला 6 जून पर्यंत पोलीस कोठडीत पाठवण्यात आले आहे. प्रज्वल शुक्रवारी सकाळी जर्मनीहून बंगळुरू येथे येताच पोलिसांनी त्याला विमानतळावरून त्याला अटक केली. त्यानंतर त्याला न्यायालयात हजर करण्यात आले.
#WATCH | Bengaluru | Obscene videos case: Suspended JD(S) leader Prajwal Revanna remanded to six day police custody pic.twitter.com/gHRtQRUiG4
— ANI (@ANI) May 31, 2024
लोकसभा निवडणूकीत भाजप-जेडीएस युतीचा हसन मतदारसंघाचा उमेदवार असलेल्या प्रज्वलचे शेकडो अश्लील व्हिडीओ समोर आले होते. लैंगिक शोषणाचे शेकडो व्हिडीओ समोर आल्यानंतर 27 एप्रिल रोजी तो जर्मनीला पळाला होता. दोन दिवसांपूर्वी प्रज्वलने एक व्हिडीओ शेअर करत 31 मे रोजी तो शरण येणार असल्याचे जाहीर केले होते. त्यानुसार गुरुवारी मध्यरात्री तो बंगळुरूत परतला. बंगळुरू विमानतळावर उतरताच तपास पथकाने त्याला अटक केली. अटकेनंतर महिला पोलिसांच्या पथकाच्या जीपमधून सीआयडी ऑफिसमध्ये नेण्यात आले. रात्रभर त्याला सीआयडी ऑफिसमध्ये ठेवण्यात आले होते. शुक्रवारी दुपारी त्याला न्यायालयात हजर केले असता. न्यायालयाने त्याची 6 जून पर्यंत पोलीस कोठडीत रवानगी केली आहे.
