लोकसभा निवडणुकीसाठी राष्ट्रवादी काँग्रेस शरदचंद्र पवार पक्षाकडून उमेदवारांची दुसरी यादी जाहीर करण्यात आली आहे. या दुसऱ्या यादीत दोन उमेदवारांची घोषणा पक्षाकडून करण्यात आली आहे.
राष्ट्रवादी काँग्रेस शरदचंद्र पवार पक्षाकडून बीड आणि भिवंडी या दोन लोकसभा मतदारसंघातील उमेदवारांची नावे जाहीर करण्यात आली आहे. बीड लोकसभा मतदारसंघातून बजरंग सोनवणे आणि भिवंडी लोकसभा मतदारसंघातून सुरेश उर्फ बाळ्यामामा म्हात्रे यांना पक्षाने उमेदवारी दिली आहे.
विजयाचा निर्धार पक्का करून 'राष्ट्रवादी काँग्रेस पार्टी – शरदचंद्र पवार' पक्षाच्या केंद्रीय संसदीय मंडळाने लोकसभा निवडणूक २०२४ ची दुसरी उमेदवार यादी जाहीर केली आहे. चला, आदरणीय खा. शरदचंद्रजी पवार साहेबांच्या साथीने ‘तुतारी’ला ललकारी देऊया, आणि दिल्लीच्या तख्ताला हादरवून सोडवूया.… pic.twitter.com/yMi96DJqSp
— Nationalist Congress Party – Sharadchandra Pawar (@NCPspeaks) April 4, 2024
याआधी राष्ट्रवादी काँग्रेस शरदचंद्र पवार पक्षाकडून अमर काळे यांना वर्धा, भास्कर भगरे यांना दिंडोरीतून, सुप्रिया सुळे यांना बारामती, डॉ. अमोल कोल्हे यांना शिरूर आणि निलेश लंके यांना नगरमधून उमेदवारी घोषित झाली आहे. हे पाच उमेदवार आणि आताचे दोन उमेदवार मिळून राष्ट्रवादी काँग्रेस शरदचंद्र पवार पक्षाने आतापर्यंत एकूण सात उमेदवारांची घोषणा केली आहे.
