राज्यात आयपीएस अधिकाऱ्यांच्या मोठ्या प्रमाणात बदल्या करण्यात आल्या आहेत. पुण्याचे पोलीस आयुक्त रितेश कुमार यांची बढती करण्यात आली असून त्यांची होमगार्ड विभागाच्या महासमादेशक पदी नियुक्ती करण्यात आली आहे. त्यांच्या जागी आता अमितेश कुमार हे पुण्याचे नवे पोलीस आयुक्त असणार आहेत. तसेच नागपूर पोलीस आयुक्तपदी रविंद्र कुमार सिंघल यांना नियुक्त करण्यात आले आहे.
या व्यतिरिक्त अपर पोलीस महासंचालक व उप महासमादेशक, होमगार्ड पदी असलेले प्रभात कुमार यांची नागरी संरक्षण, महाराष्ट्र राज्य विभागाच्या संचालक पदी नियुक्ती करण्यात आली.
महाराष्ट्र राज्याच्या राज्य गुप्तवार्ता विभागाचे सह आयुक्त शिरीष जैन यांची बढती करण्यात आली असून त्यांना त्याच विभागाचे आयुक्तपद देण्यात आले आहे.
महाराष्ट्र राज्याच्या महिला व बाल अत्याचार प्रतिबंधक विभागाचे विशेष पोलीस महानिरीक्षक दीपक पांडे यांची त्याच विभागाच्या अपर पोलीस महासंचालक पदी नियुक्ती करण्यात आली आहे.
