तुमचा अली तर आमचा बजरंग बली, मुस्लिमांनी अतिक्रमन करत मशिदी उभारल्यास शेजारी बजरंगबली मूर्ती उभी करा आमचे कोणी वाकडे करू शकत नाही, कुणी मध्ये आले तर अधिकाऱ्यांच्या कानाखाली बारा वाजवा असे भडकावू आणि मस्तवाल वक्तव्य आमदार नितेश राणे यांनी जाहीर सभेत केले.
सोलापूर जिल्ह्यातील माळशिरस येथे नितेश राणे यांची जाहीर सभा झाली. या सभेत त्यांनी मुस्लिम आणि हिंदू यांच्या जातीयतेढ निर्माण होईल असे वक्तव्य करताना पोलिसांची मानहाणी केली. यापुढे माळशिरस मधून एकाच फोन आला पाहिजे. नितेश साहेब कार्यक्रम करून टाकला आता पोलीस मागे लागलेत. कार्यक्रम झाल्यानंतर फोन करा. तुम्हाला सुखरूप घरी पोहचवण्याची जबाबदारी आमची असेल. एवढा विश्वास तुम्हाला पोलिसांच्या समोर देतो , चिंता करू नका. आमचे कोणीही काहीही वाकडे करू शकणार नाहीत. आपला बॉस बसलाय सागर बंगल्यावर, काहीही होत नाही आम्हा लोकांना. आम्ही असेच आहोत आणि असेच बोलतो, अशा पद्धतीचे भडकावू वक्तव्य आज भाजप आमदार नितेश राणे यांनी माळशिरस येथील सभेत बोलताना केले.
वळवळणाऱ्या हिरव्या जिहादींना सांगा शांत राहा नाहीतर तुम्हाला कसे शांत करायचे हे पण आमच्या धर्माने दाखवून दिले आहे असा इशारा राणे यांनी दिला. यापुढे कोणतेही अतिक्रमन झाले तर, तुमचा अली तर आमचा बजरंगबली असा नारा असेल असे राणे यांनी सांगितले. यापुढे हिंदू म्हणून कोणीही अधिकाऱ्याने आपल्याकडे वाकड्या नजरेने पाहिले तर कानाखाली बारा वाजवल्याशिवाय गप्प बसायचे नाही. आम्ही सर्व आणि सरकार तुमच्या बरोबर असेल असा भडकावू आदेशही राणे यांनी दिला.
जिथे मुस्लिमांकडून दर्गा किंवा मशिदीसाठी अतिक्रमणे करीत हिरवी चादर दिसेल तिथे तुम्ही दोन पावलावर बजरंगबलीची मूर्ती ठेवा. जे अधिकारी मशिदीवर कारवाई करीत नाहीत ते बजरंगबलीवर कशी कारवाई करतात ते पाहू, असे नितेश राणे म्हणाले.
