>> सूरज बागडे, भंडारा
भंडारा जिल्ह्यातील सहा राईस मिलचा साडेबारा कोटी रुपयांच्या धान खरेदी अपहार प्रकरणात समावेश असल्याचे सीआयडीच्या तपास सामोर आल्याने सीआयडीने सहा आरोपींना अटक करून जिल्हा सत्र न्यायालयात हजर केले. यावेळी न्यायालयाने त्यांचे जामीन फेटाळल्याने सहा आरोपींची तुरूंगात रवानगी करण्यात आली. तर उर्वरीत एका आरोपीला उशिरा अटक झाल्याने त्यास न्यायालयात हजर करता आले नाही.
महेश कहाळकर, सुरेंद्र वहीले, ताराचंद काहालकर, भारत ठाकरे, रामलाल बांडेबुचे, माणिक बोदरे, अशी तुरुंगात रवानगी करण्यात आलेल्या आरोपींची नावे आहेत. तर तुमसर चे आमदार (अजित पवार गट) राजू कारेमोरे यांचा भाऊ विश्वनाथ कारेमोरे याला उशिरा अटक करण्यात आली.
