मुंबईत एका अल्पवयीन मुलाने आपल्या आईचा गळा चिरला आहे. आईच्या फोनमध्ये या मुलाने आईचे आणि तिच्या कथित बॉयफ्रेंडसोबतचे फोटो आणि व्हिडीओ पाहिले. तेव्हा रागाच्या भरात त्याने हे कृत्य केले आहे.
मिळालेल्या माहितीनुसार चुनाभट्टी परिसरात 9 वीत शिकणारा मुलगा घरात आईच्या मोबाईलमध्ये गेम खेळत होता.रात्री साडे अकराच्या सुमारास गेम खेळताना या मुलाला आईच्या मोबाईलमध्ये तिच्या कथित बॉयफ्रेंडसोबत फोटो आणि काही व्हिडीओ सापडले. त्यामुळे मलाला संताप अनावर झाला. त्याने चाकू घेतला आणि आईच्या गळ्यावर वार केले. जेव्हा मुलाने आईवर हल्ला केला तेव्हा त्याचे वडिल कामावर होते.
महिलेचा आरडाओरड ऐकून शेजारच्यांनी धाव घेतली आणि जखमी महिलेला रुग्णालयात दाखल केले. पोलिसांनी केलेल्या चौकशीत मुलाने हल्ल्याची कबुली दिली. पोलिसांनी मुलाला सध्या सुधारगृहात पाठवले असून पुढील तपास सुरू ठेवला आहे.
