ओव्हरटेक करण्याच्या नादात सरकारी बसखाली चिरडून एका तरुणाचा मृत्यू झाल्याची घटना हैदराबादमध्ये घडली. करीमनगर-मेहदीपट्टणम मार्गावर ही घटना घडली. याप्रकरणी शमीरपेठ पोलीस ठाण्यात घटनेची नोंद करण्यात आली आहे. शेख सकलेन असे मयत तरुणाचे नाव आहे.
करीमनगर जिल्ह्यातील कारखाना गड्डा येथील रहिवासी शेख सकलेन आणि मोहम्मद फुरकान हे दोघे बाईकने करीमनगर-मेहदीपट्टणम मार्गावरून चालले होते. यादरम्यान पुढे चाललेल्या सरकारी बसला दोघे ओव्हरटेक करण्याचा प्रयत्न करत होते. याच प्रयत्नात बाईकवरील नियंत्रण सुटले आणि बाईक घसरल्याने बसच्या चाकाखाली येऊन सकलेनचा मृत्यू झाला.
सकलेनच्या मागे बसलेला मोहम्मद फुरकान हा अपघातात जखमी झाला. अपघातानंतर फुरकान घटनास्थळावरून फरार झाला. अपघाताची घटना सीसीटीव्ही कॅमेऱ्यात कैद झाली आहे. अपघाताचा व्हिडिओ सध्या सोशल मीडियावर व्हायरल होत आहे.
