![hit-and-run](https://www.saamana.com/wp-content/uploads/2018/04/hit-and-run-696x447.jpg)
राज्यात हिट अँड रनचे सत्र संपतच नाहिये. काही महिन्यांपूर्वी वरळीत हिट अँड रन मध्ये एका महिलेचा मृत्यू झाला होता. आत पुन्हा वरळीत आणखी एक हिट अँड रनची घटना घडली असून त्यात एका तरुणाचा मृत्यू झाला आहे.
20 जुलैला 28 वर्षीय तरुण विनोद लाड हा स्कूटरने वरळीच्या अब्दुल गफार खान मार्गावरून जात होता. तेव्हा अलिशान बीएमडबल्यु कारने लाडला मागून जोरात धडक दिली. या अपघातात विनोद गंभीर जखमी झाला. त्याला तातडीने रुग्णालयात दाखल करण्यात आले.
विनोदच्या डोक्याला जबर मार लागला होता. त्यामुळे विनोद कोमात गेला होता. गेले सात दिवस नायर रुग्णालयात विनोदवर उपचार सुरू होते. पण उपचारादरम्यान विनोदचा मृत्यू झाला.
या अपघाताप्रकरणी पोलिसांनी आरोपी किरण इंदुलकरविरोधात गुन्हा दाखल केला असून त्याला अटक केली आहे. वरळीत हिट अँड रनची ही दुसरी घटना आहे. यापूर्वी 9 जुलैला महिर शाह या तरुणाने बीएमडबल्यु कारने एका दुचाकीला धडक दिली होती. या अपघातात कावेरी नाखवा यांचा जागीच मृत्यू झाला होता. पोलिसांनी या प्रकरणी आरोपी महिर शहाला अटकही केली होती.