विक्रोळीच्या कन्नमवार नगरातील एका इमारतीत घराचा स्लॅब कोसळून दोन जणांचा मृत्यू झाला आहे. ही दुर्घटना गुरुवारी सायंकाळी पावणे सातच्या सुमाराला घडली. गुरुकृपा असं या इमारतीचं नाव आहे.
कन्नमवार नगरातील गुरुकृपा इमारतीतील तिसऱ्या मजल्यावरील घराचा स्लॅब कोसळल्याने दोन जणांचा मृत्यू झाला. शरद म्हसळेकर (75) आणि सुरेश मधळकर (78) असं या दुर्घटनेतील मृतांची नावं आहेत. अतिशय गंभीर अवस्थेत त्यांना बाबासाहेब आंबेडकर रुग्णालयात आणलं गेलं. त्यांना मृत घोषित करण्यात आलं.
