टीम इंडियाचा युवा खेळाडू आणि आयपीएलमध्ये नुकतेच केकेआरला ट्रॉफी जिंकून देण्यात मोलाचा वाटा उचलणारा वेंकटेश अय्यर विवाह बंधनात अडकला आहे. वेंकटेश आणि श्रुती रघुनाथन यांच्या विवाहाचे फोटो व्हायरल झाले आहेत. त्यानंतर या नवविवाहित जोडप्यावर अभिनंदनाचा वर्षाव होत आहे.
नुकत्याच झालेल्या आयपीएलच्या 17 व्या सिझनवर कोलकाताने मोहोर उमटवली. अंतिम लढतीत अय्यरने नाबाद अर्धशतकीय खेळी केली होती. तो टीम इंडिया कडूनही खेळला आहे. 2 वन डे मध्ये 24, तर 9 टी20 लढतीत त्याच्या नावावर 133 धावांची नोंद आहे. मात्र फॉर्म गमावल्याने फेब्रुवारी 2022 पासून त्याला पुन्हा संधी मिळालेली नाही.
View this post on Instagram
दरम्यान,वेंकटेश अय्यर याची पत्नी शृत बंगळुरू मधील लाइफस्टाइल इंटरनेशनल प्राइवेट लिमिटेड येथे काम कर्ती. तिची आणि वेंकटेश याची ओळख कशी झाली याबाबत माहिती नाही, मात्र दोघे एका कॉमन मित्राच्या मदतीने भेटले आणि एक दुजे के झाले.
श्रुतीने बीकॉमची पदवी घेतलेली असून पीएसजी कॉलेज ऑफ आर्ट्स एंड सायन्स येथे तिचे शिक्षण झाले आहे. या दोघांचा आयपीएल आधी नोव्हेंबर 2023 मध्ये साखरपुडा झाला होता आणि त्यांनी ही स्पर्धा संपल्यावर लग्न करण्याचे ठरवले होते. योगायोगाने वेंकटेश खेळणाऱ्या केकेआर संघाने स्पर्धा जिंकली. आता ट्रॉफी जिंकताच मोठ्या थाटामाटात आणि जवळच्या मित्र, कुटुंबीयांच्या उपस्थितीत त्यांनी लग्नाचा बार उडवून दिला.
