स्वत:शी लग्न करणाऱ्या तुर्कीच्या प्रसिद्ध टिकटॉक स्टार कुबरा आयकुटने आत्महत्या केल्याची धक्कादायक घटना घडली आहे. इमारतीच्या पाचव्या मजल्यावरुन उडी घेऊन तिने आपले जीवन संपवले आहे. पोलिसांनी तिचा मृतदेह ताब्यात घेतला असून शवविच्छेदनासाठी पाठवला आहे. तिच्या आत्महत्येने चाहत्यांना धक्का बसला आहे.
तुर्की माध्यमांच्या माहितीनुसार, इंस्ताबुलच्या सुल्तानबेली जिल्ह्यामध्ये कुबरा आयकुट चा मृतदेह सापडला आहे. पोलिसांना मृतदेहाशेजारी एक सुसाइड नोटही सापडली आहे. पोलीस या घटनेचा तपास करत आहेत.
कुबरा आयकुट (26)ला 2023 मध्ये सोशल मीडियावर ‘वेडिंग विदाऊट अ ग्रूम’ या व्हायरल व्हिडिओमुळे ती प्रसिद्धीच्या झोतात आली. या व्हिडिओमध्ये कुबराने स्वतःशी लग्न केले होते. कुबराच्या म्हणण्यानुसार, तिला योग्य वर सापडला नाही. त्यामुळे तिला स्वतःशीच लग्न करावे लागले. आता तिच्या आत्महत्येच्या बातमीने चाहत्यांमध्ये शोककळा पसरली आहे. तिच्या शेवटच्या TikTok व्हिडिओमध्ये ती तिचे अपार्टमेंटची सफाई करताना दिसत आहे.
तुर्की टुडेच्या वृत्तानुसार, कुबराने तिच्या सुसाईड नोटमध्ये लिहिले आहे की, एका चांगल्या व्यक्तीप्रमाणे जगून मला काहीच मिळाले नाही. जीवनात स्वार्थी व्हा, तरच तुम्हाला आनंद मिळेल. मी अनेक दिवसांपासून संघर्ष करत आहे. मात्र कोणीही लक्ष दिले नाही. माझे स्वतःवर प्रेम आहे, म्हणून मी जग सोडून जात आहे. मी माझ्या स्वेच्छेने उडी घेतली आहे. मला आता आणखी जगायचे नाही. मी माझ्या आयुष्यात सर्वांशी चांगली होते. मात्र मी स्वतःसाठी चांगली होऊ शकले नाही. फिस्टिकची चांगली काळजी घ्या. मला माफ करा असे तिने लिहीले आहे
