गतिमंद अल्पवयीन भाचीवर लैंगिक अत्याचार करणाऱया मामाला दिंडोशी सत्र न्यायालयाने मोठा दणका दिला. आरोपी गणेश भिकाजी वंजारे याला पोक्सो कायद्यांतर्गत दोषी ठरवत जन्मठेपेची शिक्षा सुनावण्यात आली आहे. मुलीची असहाय्यतेचा गैरफायदा घेणाऱया वंजारेला उर्वरित आयुष्य तुरुंगातच भोगावे लागेल, असे निरीक्षण न्यायाधीश डी. जी. ढोबळे यांनी शिक्षा ठोठावताना नोंदवले. पीडित 12 वर्षांची गतिमंद मुलगी आईच्या मृत्यूनंतर पवई येथील मामाकडे राहत होती. तिचा योग्य सांभाळ करण्याऐवजी वंजारेने तिचा गैरफायदा घेतला.
