लोकसभा निवडणूकीनंतर पहिल्या अधिवेशनात सर्व नवनिर्वाचित खासदारांनी शपथ घेतली. यावेळी शिवसेना (उद्धव बाळासाहेब ठाकरे) पक्षाच्या सर्व खासदारांनी मराठीत शपथ घेतली. दरम्यान हिंगोलीचे खासदार नागेश आष्टीकर यांनी शपथ घेताना हिंदुहृदयसम्राट शिवसेनाप्रमुख बाळासाहेब ठाकरे यांचा उल्लेख केला.
शिवसेनेचे खासदार अनिल देसाई, अरविंद सावंत, संजय दिना पाटील, नागेश आष्टीकर, संजय बंडू देशमुख, ओमप्रकाश राजेनिंबाळकर, भाऊसाहेब वाकचौरे, राजाभाऊ वाझे यांनी आज संसदेत खासदारकीची शपथ घेतली.
लंकेंच्या शपथेची चर्चा
राष्ट्रवादी काँग्रेस शरदचंद्र पवार पक्षाचे खासदार निलेश लंके यांनी इंग्रजीत शपथ घेतली. या निवडणूकीत लंके यांच्या विरोधात निवडणूक लढवणाऱ्या सुजय विखे यांनी लंके यांची इंग्रजी बोलण्यावरून खिल्ली उडवली होती. त्याला आज निलेश लंके यांनी जोरदार प्रत्युत्तर दलं.,
