वादग्रस्त वक्तव्यांमुळे कायम चर्चेत असलेले मिंधे गटाचे आमदार संजय गायकवाड यांनी लोकसभेतील विरोधी पक्षनेते राहुल गांधी यांच्या बाबत अत्यंत आक्षेपार्ह विधान केलं आहे. -जो कुणी राहुल गांधी यांची जीभ छाटेल त्याला मी 11 लाख रुपये देईन, असं वक्तव्य केलं आहे. त्यांच्या या वक्तव्यावरून आता वादाला तोंड फोडलं आहे. राजकीय वर्तुळातून त्यांच्यावर मोठ्या प्रमाणात टीका होत आहे.
VIDEO | Shiv Sena (Shinde) MLA Sanjay Gaikwad announced a reward of Rs 11 lakh to anyone who will “chop off the tongue” of Congress leader Rahul Gandhi over his statements on reservation in the US. Here’s what he said:
“Rahul Gandhi’s statement in which he talked about ending… pic.twitter.com/Y77oBANQOv
— Press Trust of India (@PTI_News) September 16, 2024
आरक्षणाच्या संदर्भात राहुल गांधी यांनी अमेरिकेत केलेल्या वक्तव्यावर आपली प्रतिक्रीया देताना संजय गायकवाड यांची जीभ घसरली. ”’राहुल गांधी यांचं वक्तव्य हा जनतेचा सर्वात मोठा विश्वासघात आहे. राहुल गांधी हे संविधानाचं पुस्तक दाखवून भाजप ते बदलून टाकेल असं खोटं नरेटिव्ह पसरवतात. पण प्रत्यक्षात देशाला 400 वर्षे मागे नेण्याची काँग्रेसची योजना आहे. मराठा, धनगर आणि ओबीसी सारखे समाज इथं आरक्षणासाठी लढत आहेत, पण ते देण्याऐवजी राहुल गांधी त्यांचे आरक्षणाचे लाभ संपवण्याची भाषा करत आहेत. त्यांची जीभ कापणाऱ्याला मी 11 लाख रुपये बक्षीस देईन, असं संजय गायकवाड म्हणाले.
