बिहारचे माजी उपमुख्यमंत्री आणि राजदचे नेते तेजस्वी यादव यांनी पंतप्रधान नरेंद्र मोदी यांच्यावर निशाणा साधला आहे. शनिवारी पंतप्रधान मोदी यांनी ‘बिहारला लुटणाऱ्यांना तुरुंगात टाकणार’, असे विधान केले होते. याचा तेजस्वी यादव यांनी चांगलाच समाचार घेतला.
पंतप्रधान मोदी आता धमकी आहेत. पण हे बिहार आहे, झारखंड किंवा दिल्ली नाही. एकदा हात तर लावून पहा, बिहारची लोकं गुजराती लोकांना घाबरत नाहीत. बिहारची लोकं कोणालाही घाबरत नाहीत. आमच्या भगवान श्रीकृष्णाचा जन्मच तुरुंगात झालेला आहे. पण आता 75 वर्षाचा वयोवृद्ध व्यक्ती 34 वर्षाच्या तरुणाला धमकी देतोय. तुम्ही पराभूत केले तर तुम्हाला तुरुंगात टाकू म्हणताहेत. मात्र आता जनताच तुमचा फैसला करणार आहे, असा इशारा तेजस्वी यादव यांनी दिला.
देशाला त्रास देणे थांबवा, तुमचे मंदिर बांधू; ममता बॅनर्जी यांचा मोदींना टोला
पंतप्रधान मोदी बिहारला आले होते. 10 वर्षात काय केले याचा हिशेब ते देतील असे वाटले होते. पाच वर्षात काय काय करतील याबाबत बोलतील असे वाटले होते. पण 75 वर्षाचा वयोवृद्ध व्यक्ती 34 वर्षाच्या तरुणाला तुरुंगात टाकण्याची भाषा करत आहे. ‘लँड फॉर जॉब’ प्रकरणात एकदा नाही तर तिनदा चौकशी झाली आहे. आता फक्त राजकीय फायद्यासाठी चौथ्यांदा कोर्टाचे दरवाजे ठोठावण्याचा प्रयत्न आहे. पण त्यांच्या धमक्यांना घाबरत नाही, असेही तेजस्वी यादव म्हणाले.
View this post on Instagram
