कच्चे दूध चेहऱ्यावर लावण्याचे अनेक फायदे आहेत. तुमच्या त्वचेच्या काळजीसाठी कच्चे दूध सर्वोत्तम मानले जाते. कच्चे दूध लावण्यासाठी तुम्हाला जास्त कष्ट घ्यावे लागणार नाहीत. हे त्वचेसाठी सर्वोत्तम घरगुती उपचारांपैकी एक म्हणून ओळखले जाते.
कच्चे दूध चेहऱ्यावर लावल्याने काळे डागही कमी होतात. दुधात जीवनसत्त्वे, बायोटिन, लैक्टिक ऍसिड, मॅग्नेशियम, प्रथिने भरपूर प्रमाणात असतात. विशेष म्हणजे दूध फक्त पिण्यासाठीच नाही तर, त्वचेसाठी सुद्धा उत्तम मानले जाते. तजेलदार त्वचा हवी असल्यास कच्चे दूध हा एकमेव उत्तम पर्याय मानला जातो.
कच्चे दूध लावण्याचे फायदे
मृत त्वचा घालवण्यासाठी आणि चमकदार चेहरा तुम्हाला हवा असल्यास, तुम्ही एकदा कच्चे दूध चेहऱ्याला लावून बघा.दुधामुळे चेहऱ्यावरील डेड स्किन निघून जाईल तसेच चमक येईल, पण लक्षात ठेवा की तुम्हाला रोज कच्च्या दुधाने चेहरा स्वच्छ करावा लागेल.
कच्चं दूध त्वचेला हायड्रेट करण्यासाठीही फायदेशीर आहे. यामुळे तुमची त्वचा फ्रेशही होते. याशिवाय त्वचा नेहमी तजेलदार राहते.
दुधामध्ये असलेले जीवनसत्त्व अ आणि ब हे वृद्धत्वविरोधी घटक म्हणून काम करतात. दुधाचा मसाज केल्यास चेहऱ्यावरील अकाली सुरकुत्या निघून जातात. त्यामुळे आजच कच्च्या दुधाचा वापर करून चेहरा चमकदार बनवा.तुमची त्वचा तेलकट असेल तर, कच्चे दूध हा एक चांगला पर्याय आहे. तेलकट त्वचेमुळे चेहऱ्यावर मुरुम, फोड्या येतात. त्यामुळेच तेलकट त्वचेसाठी कच्चे दूध हा चांगला पर्याय आहे.
अनेकांच्या चेहऱ्यावर काळे डाग, चट्टे असतात. या डागांवर रोज कच्च्या दुधाने मालिश केल्यास हे डाग विरळ होणयास मदत होते.
(कोणताही उपाय करण्याआधी तज्ज्ञांचा सल्ला अवश्य घ्यावा.)
