BMW चालक आणि मर्सिडीज चालक वांद्रे वरळी सी लिंकवर शर्यत लावत होते. आणि या शर्यतीच्या नादात भीषण अपघात झाला. या अपघातात एक पाच जणांचे कुटंब थोडक्यात वाचले. या प्रकरणी दोन चालकांविरोधात गुन्हा दाखल झाला असून दोघांना अटक करण्यात आली आहे.
मिळालेल्या माहितीनुसार वांद्रे वरळी सी लिंकवर तारीक चौधरी आणि शाहबाज खान हे आपली बीएमडबल्यू आणि मर्सिडीज घेऊन निघाले. वांद्रे वरळी सी लिंकवर या दोघांनी शर्यत लावली. सी लिंकवर दोघेही ताशी १२० किमी वेगाने गाडी चालवत होते. तेव्हा या दोघांच्या मध्ये एका कुटुंबाची वॅगन आर गाडी आली आणि या गाडीला दोन्ही गाड्यांची धडक लागली. या अपघातात तिन्ही गाडीतले प्रवासी जखमी झाले. पोलिसांना माहिती मिळताच त्यांनी घटनास्थळी धाव घेतली. सर्व जखमींना जवळच्या रुग्णालयात दाखल केले असून. चालकांवर उपचार केले असून त्यांना अटक करण्यात आली आहे.
