बॉलीवूडचा बहुप्रतिक्षित चित्रपट ‘पुष्पा 2’ ची सध्या जोरदार चर्चा सुरु आहे. यूएसएमध्ये या चित्रपटाची ॲडव्हान्स बुकिंग देखील सुरू झाली असून, या चित्रपटाला प्रचंड प्रतिसाद मिळत आहे. ‘पुष्पा 2’ हा 5 डिसेंबरला चित्रपटगृहात प्रदर्शित होत आहे. मात्र तरीही या चित्रपटाचे काम अजूनही पूर्ण झालेले नाही. या चित्रपटातील शेवटच्या गाण्याचे शूटिंग अद्यापही सुरु झालेले नाही.
Gulte.com वर नुकताच एक रिपोर्ट प्रसिद्ध झाला. या रिपोर्टनुसार ‘पुष्पा 2’ महिनाभरानंतर प्रदर्शित होणार असल्याचे समोर आले. सध्या निर्माते चित्रपटाचे राहिलेले अपूर्ण काम पूर्ण करण्यात व्यस्त आहेत. दरम्यान आता अल्लू अर्जुन आणि श्रीलीला यांचे एक खास गाणे शूट केले जाणार आहे. या गाण्याचे शूटींग याच आठवड्यात पूर्ण होईल असे निर्मात्यांनी सांगितले आहे. दरम्यान निर्मात्यांनी प्रेक्षकांसाठी आणखी एका मोठ्या सरप्राईजची घोषणा केली होती.मात्र सरप्राईजशिवायच हा चित्रपट प्रदर्शित होणार असल्याचे बोलले जात आहे.
