राज्यात महाविकास आघाडीचे सरकार स्थापन झाल्यावर केंद्रातलं मोदी सरकार कोसळणार असा दावा राष्ट्रवादी काँग्रेस शरद पवार पक्षाचे नेते जितेंद्र आव्हाड यांनी केला आहे. ते मुंब्र्यात बोलत होते.
मुंब्रा येथे एका सभेला संबोधित करताना आव्हाड म्हणाले की 23 तारखेला राज्यात महाविकास आघाडीचे सरकार स्थापन होईल. त्यानंतर किमान दोन महिन्यात नितीश कुमार आणि चंद्राबाबू नायडू यांनी भाजपला दिलेला पाठिंबा काढून घेतील आणि मोदींचं सरकार कोसळेला असा अंदाज आव्हाड यांनी व्यक्त केला आहे.
अजित पवार गट पाकिटमार
मुंब्र्यात झालेल्या एका सभेत जितेंद्र आव्हाड म्हणाले की राष्ट्रवादी काँग्रेस हा पक्ष शरद पवार यांचा होता. अजित पवार यांनी शरद पवार यांना धक्के मारून पक्षातून बाहेर काढलं. पक्षाचे चिन्हही काढून घेतले. अजित पवार गट हा पाकिटमारांची टोळी आहे अशी टीका आव्हाड यांनी केली.
