‘नवरा माझा नवसाचा 2’ या चित्रपटाची सध्या प्रचंड चर्चा असून तो लवकरच चित्रपटगृहात प्रदर्शित होणार आहे. या सिनेमातून अभिनेत्री हेमाली इंगळे ही प्रेक्षकांच्या भेटीला येणार आहे. मात्र त्याआधीच या अभिनेत्रीच्या सोशल मीडिया पोस्टने साऱ्यांच लक्ष वेधून घेतलं. हेमालीने नुकताच साखरपुडा केला असून तिने तिच्या चाहत्यांना धक्का दिला आहे.
View this post on Instagram
अभिनेत्री हेमाली इंगळेने तिच्या साखरपुड्याचा फोटो सोशल मीडियावर शेअर केला आहे. या फोटोला तिने एक्स बॉयफ्रेंड असे कॅप्शनही दिले आहे. हेमालीने साखरपुड्यासाठी जांभळ्या रंगाचा ड्रेस परिधान केला आहे. हेमाली आणि तिच्या नवऱ्याच्या फोटोवर अनेक कलाकारांनीही प्रतिक्रिया दिल्या आहेत. नव्या आयुष्यासाठी तिला शुभेच्छा दिल्या आहेत. या कलाकारांमध्ये श्रिया पिळगांवकर, रिंकु राजगुरु, रसिका वेंगुर्लेकर, चैत्राली गुप्ते यांसह अनेक कलाकारांचा समावेश आहे.
‘नवरा माझा नवसाचा-2’ हा चित्रपट येत्या 20 सप्टेंबरला प्रदर्शित होणार आहे. या चित्रपटात अभिनेते सचिन पिळगांवकर, अभिनेत्री सुप्रिया पिळगांवकर, महाराष्ट्र भूषण अशोक सराफ, स्वप्नील जोशी, हेमली इंगळे, निर्मिती सावंत, वैभव मांगले आणि सिद्धार्थ जाधव या कलाकारांचा समावेश आहे.
