माजी आमदार आणि अजित पवार गटाचे नेते बाबा सिद्दीकी यांची गोळ्या झाडून हत्या करण्यात आली होती. या प्रकरणी तीन आरोपींना आतापर्यंत अटक करण्यात आली आहे. माझ्या कुटुंबाला न्याय हवाय अशी पहिली प्रतिक्रिया बाबा सिद्दीकी यांच्या कुटुंबातून आली आहे.
आमदार आणि बाबा सिद्दीकी यांचे सुपुत्र झिशान सिद्दीकी यांनी एक्सवर पोस्ट लिहून म्हटले आहे की, बेघर आणि गरीबांचे रक्षण करताना माझ्या वडिलांनी जीव गमावला. माझं संपूर्ण कुटुंब कोसळलं आहे. पण माझ्या वडिलांच्या मृत्यूचे राजकारण करू नका. त्यांचे हे बलिदान वाया जाणार नाही. मला न्याय हवाय माझ्या कुटुंबाला न्याय हवाय असे झिशान यांनी म्हटले आहे.
My father lost his life protecting and saving the lives and homes of poor innocent people. Today, my family is broken but his death must not be politicised and definitely not go in vain.
I NEED JUSTICE, MY FAMILY NEEDS JUSTICE!— Zeeshan Siddique (@zeeshan_iyc) October 17, 2024
सलमानसोबत मैत्रीमुळे हत्या
बाबा सिद्दीकी यांचे सलमान खान सोबत मैत्रीपूर्व संबंध होते. त्यामुळेच बिष्णोई गँगने सिद्दीकी यांचा खून केल्याचे पोलिसांनी सांगितले आहे. आता पोलिसांनी सलमान खानला झेड प्लस सुरक्षा बहाल केली आहे.
