बॉलीवूड अभिनेत्री रवीना टंडन वादाच्या भोवऱ्यात अडकली आहे. रवीनानं मद्यधुंद अवस्थेत महिलेला मारहाण केल्याचा आरोप करत तिच्याविरोधात खार पोलिसांकडे तक्रार दाखल करण्यात आली होती. मात्र मुंबई पोलिसांनी रविवारी स्पष्ट केलं की रवीना विरुद्ध खार पोलिसांकडे खोटी तक्रार दाखल करण्यात आली होती.
टंडन यांनी ‘X’ वर ‘व्हायरल भयानी’ कडील पोस्टचा स्क्रीनशॉट शेअर केला आहे की तक्रारदारानं या प्रकरणात खोटी तक्रार दाखल केली आहे आणि सीसीटीव्ही फुटेज तपासल्यानंतर असं आढळून आलं की रवीनाच्या कारनं कोणालाही धडक दिली नाही आणि ती मद्यधुंद अवस्थेत नव्हती.
पोस्टमध्ये म्हटले आहे की, मुंबईस्थित दैनिकाशी बोलताना झोन 9 चे पोलिस उपायुक्त (डीसीपी) राजतिलक रोशन यांनी तक्रार खोटी असल्याचं सांगितलं.
पोलिसांनी सांगितलं की, तक्रारदारानं कथित व्हिडीओमध्ये खोटी तक्रार दिली आहे.
— Raveena Tandon (@TandonRaveena) June 2, 2024
अभिनेत्री रवीना टंडनच्या विरोधात खार पोलिसांकडे खोटी तक्रार दाखल करण्यात आल्याचे मुंबई पोलिसांनी रविवारी स्पष्ट केलं.
‘तक्रारदाराने कथित व्हिडीओमध्ये खोटी तक्रार दिली आहे. आम्ही सोसायटीचे संपूर्ण सीसीटीव्ही फुटेज तपासले आणि हे कुटुंब त्याच लेन ओलांडत असताना अभिनेत्रीचा ड्रायव्हर रस्त्यावरून कार रिव्हर्स करत असल्याचं आढळलं. कुटुंबानं त्यांना थांबवलं आणि ड्रायव्हरला सांगितलं की कार मागे घेण्यापूर्वी लोक कारच्या मागे आहेत का ते तपासावं आणि त्यांच्यात वाद सुरू झाला’, डीसीपीनं दैनिकाशी बोलताना सांगितलं.
जेव्हा वाद वाढला तेव्हा रवीना तिच्या ड्रायव्हरला तपासण्यासाठी घटनास्थळी आली आणि त्याला जमावापासून वाचवण्याचा प्रयत्न केला. या दोघांनी खार पोलीस ठाण्यात तक्रार दाखल केली पण नंतर त्यांनी माघार घेतली.
‘हा वाद चिघळला आणि शिवीगाळ सुरू झाला. रवीना तिच्या ड्रायव्हरसोबत काय झाले हे तपासण्यासाठी घटनास्थळी पोहोचली. अभिनेत्रीनं ड्रायव्हरला जमावापासून वाचवण्याचा प्रयत्न केला; मात्र, जमावाने तिला शिवीगाळ करण्यास सुरुवात केली. रवीना टंडन आणि कुटुंबीय दोघांनीही खार पोलीस ठाण्यात जाऊन लेखी तक्रारी दिल्या, नंतर दोघांनीही तक्रार नोंदवायची नाही असं पत्र दिलं’, असं डीसीपी राजतिलक रोशन यांनी स्पष्ट केले.
डीसीपी राजतिलक रोशन यांनी पुढे सांगितलं की, ‘या घटनेत कोणीही जखमी झाले नाही. आम्ही सीसीटीव्ही फुटेज तपासले, आणि कारनं कोणालाही धडक दिली नाही. अभिनेत्री दारूच्या नशेत नव्हती’.
त्याच पोस्टमध्ये रवीनाने शेअर केलेल्या दुसऱ्या स्क्रीनशॉटमध्ये, मुंबई पोलिसांनी एका ऑनलाइन पोर्टलवर उद्धृत केलं होतं की दोन्ही पक्षांनी कोणतीही तक्रार करण्यास नकार दिला.
‘टंडनचा ड्रायव्हर गाडी उभी करण्यासाठी रिव्हर्स करण्याचा प्रयत्न करत होता, आणि एका कुटुंबातील तीन जणांना ती गाडी आपल्यावर आदळेल असं वाटलं. वादानंतर दोन्ही पक्ष निघून गेले आणि नंतर पोलिसांनी घटनास्थळी पोहोचून टंडन यांच्या कर्मचाऱ्यांची चौकशी केली. दोन्ही पक्षांनी पोलीस ठाण्यातही तक्रार करण्यास नकार दिला’, असं मुंबई पोलिसांनी सांगितलं.
पोस्टमध्ये नमूद केलं आहे की या घटनेचा व्हिडीओ सोशल मीडिया प्लॅटफॉर्मवर व्हायरल झाल्यानंतर पोलिसांचं विधान आलं आहे जिथे रवीना टंडन लोकांना शांत होण्याची विनंती करत आहे आणि ‘मला मारू नका’ असं म्हणताना देखील ऐकू येत आहे.
या घटनेचा व्हिडीओ सोशल मीडिया प्लॅटफॉर्मवर व्हायरल होत आहे ज्यामध्ये लोक तिच्याभोवती जमून आणि तिच्या ड्रायव्हरला मारहाण करताना दिसत आहेत.
(Mumbai Police says Raveena Tandon Was Not Drunk, False Complaint Filed)
