महाराष्ट्र लोकसेवा आयोगाकडून पुढे ढकलण्यात आलेली महाराष्ट्र नागरी सेवा राजपत्रित संयुक्त पूर्वपरीक्षा आता 1 डिसेंबर रोजी होणार आहे. पृषी सेवेच्या 258 पदांचा समावेश याच परीक्षेत करण्यात येणार असून, उमेदवारांना अर्ज सादर करण्यासाठी 21 दिवसांची मुदत दिली देण्यात आली आहे. पृषी सेवेतील पदांचा तपशील आणि शैक्षणिक पात्रतेनुसार अर्ज सादर करण्याबाबतचे शुद्धिपत्रक लवकरच आयोगाच्या संकेतस्थळावर प्रसिद्ध करण्यात येईल. अर्ज कालावधी, नव्याने अर्ज करणाऱया उमेदवारांची संख्या विचारात घेऊन प्रश्नपत्रिका व उत्तरपत्रिका छपाईचा कालावधी, ऑक्टोबरमध्ये आयोजित इतर संस्थेच्या भरती प्रक्रियेसंदर्भात विविध परीक्षांचे वेळापत्रक, आगामी विधानसभा निवडणुकीची आचारसंहिता व निवडणुकीचा अंदाजित कार्यक्रम विचारात घेऊन महाराष्ट्र नागरी सेवा राजपत्रित संयुक्त पूर्वपरीक्ष 1 डिसेंबर रोजी आयोजित करण्यात आली आहे.
