गृहनिर्माण प्रकल्पामध्ये माथाडीच्या कामाचे कंत्राट मिळाले नाही म्हणून भाजपचे खासदार नारायण राणे यांचा पंटर विजय त्रिपाठी याने रागाच्या भरात ठेकेदार सुशील बेनवाल याला मारहाण करीत जातिवाचक शिवीगाळ केली. याप्रकरणी त्रिपाठी याच्यावर अॅट्रॉसिटीचा गुन्हा दाखल केला आहे. तर एका तरुणीची छेडछाड केली म्हणून विनयभंगाचाही गुन्हा नोंदवण्यात आला आहे.
प्रादेशिक मनोरुग्णालय परिसरात सुरू असलेल्या गृहनिर्माण प्रकल्पामध्ये आपल्याला माथाडीचे कंत्राट मिळावे म्हणून विजय त्रिपाठी हा प्रयत्न करत होता. पण प्रत्यक्षात ते काम त्याला न मिळता वाल्मिकी समाजाच्या सुशील बेनवाल याला मिळाले. या रागातून त्रिपाठी याने मारहाण करीत तुम्ही खालच्या जातीचे लोक अशी कामे कशी मिळवता असे सुनावले. त्यामुळे त्रिपाठीवर कारवाई करण्यात आली. दरम्यान धर्मवीरनगर येथे काही दिवसांपूर्वी झालेल्या बैठकीत त्याने एका तरुणीचा विनयभंगदेखील केला होता.
