प्रचारासाठी निधीची आवश्यकता आहे. मात्र मी निवडणूक लढवावी अशी इच्छा असणारे माझे हितचिंतक मला मतदान तर करणार आहेतच, पण त्याचबरोबर मला आर्थिक पाठिंबाही देत आहेत, असे म्हणत खिशातून 500 आणि 100 रुपयांची नोट काढत लोक मला नोट पण देतात अन् वोटही देतात, अशी मिश्कील प्रतिक्रिया महाआघाडीचे उमेदवार नीलेश लंके यांनी प्रचारादरम्यान दिली.
महाआघाडीचे उमेदवार असलेले नीलेश लंके नगर दक्षिणमधून लोकसभेची निवडणूक लढवत आहेत. निवडणुकीच्या प्रचारासाठी त्यांनी काढलेल्या स्वाभिमान जनसंवाद यात्रेलाही चांगलाच प्रतिसाद मिळत आहे. प्रचारादरम्यान बोलताना मला सर्वसामान्यांचे भरपूर प्रेम मिळत आहे, असे नीलेश लंके यांनी सांगितले. त्यांनी खिशातून 500 आणि 100 रुपयांची नोट काढली. एका लहान मुलीने तिच्या खाऊसाठी जमा केलेले 100 रुपये दिले तर शेतात काम करणाऱया महिलेने तिची स्वकष्टाची कमाई 500 रुपये निवडणुकीसाठी मदत म्हणून दिल्याचे सांगितले.
