अभिनेत्रीच्या घरी चोरीप्रकरणी मोलकरणीला गोरेगाव पोलिसांनी अटक केली. संगीता बर्मन असे तिचे नाव आहे. अटक करून तिला न्यायालयात हजर केले होते.
तक्रारदार या अभिनेत्री असून त्या गोरेगाव परिसरात राहतात. तिच्या मित्राने तिला वाढदिवसानिमित्त महागडे घडय़ाळ गिफ्ट केले होते. ते घडय़ाळ त्या ठरावीक कार्यक्रमात घालून जातात. फेब्रुवारी महिन्यात त्यांची मीटिंग होती. मीटिंगसाठी त्यांनी ते घडय़ाळ घातले होते. त्यानंतर त्यांनी ते घडय़ाळ काढून ठेवले. मार्च महिन्यात ती रूममध्ये गेली होती. त्या रूममध्ये बघून ती घाबरली होती. आई आजारी असल्याचे सांगून गावी जायचे आहे असे त्या मोलकरणीने सांगितले. एप्रिल महिन्यात अभिनेत्रीला एका ठिकाणी कार्यक्रमासाठी जायचे असल्याने तिने कपाट उघटले असता कपाटात घडय़ाळ दिसले नाही. घडय़ाळ चोरीप्रकरणी अभिनेत्रीने गोरेगाव पोलीस ठाण्यात धाव घेतली. तिच्या तक्रारीवरून पोलिसांनी गुन्हा नोंद केला. गुन्हा नोंद होताच पोलिसांनी बर्मनला अटक केली.
