![eknath-khadse](https://www.saamana.com/wp-content/uploads/2023/07/eknath-khadse-696x447.jpg)
भोसरी भूखंड घोटाळा प्रकरणात दोषमुक्त करण्याची विनंती करीत माजी मंत्री एकनाथ खडसे यांनी गुरुवारी विशेष सत्र न्यायालयात अर्ज केला. त्यांच्या पत्नी मंदाकिनी खडसे व जावई गिरीश चौधरी यांनीदेखील दोषमुक्ततेसाठी दाद मागितली आहे. न्यायालयाने त्यांच्या अर्जावर ईडीचे उत्तर मागवले आहे. भोसरी एमआयडीसी भूखंड घोटाळय़ाप्रकरणी ईडीने खडसे दाम्पत्य व त्यांच्या जावयाविरुद्ध आर्थिक अफरातफरीचा गुन्हा दाखल केला होता. याप्रकरणी विशेष सत्र न्यायाधीश राहुल रोकडे यांच्यापुढे सुनावणी झाली. यावेळी एकनाथ खडसे व मंदाकिनी खडसे हजर होते.