मुंबई विद्यापीठाचे माजी कुलसचिव प्रा. सुधीर पुराणिक यांचे वयाच्या 58 व्या वर्षी दीर्घ आजाराने निधन झाले. मुंबईतील हिंदुजा रुग्णालयात त्यांच्यावर उपचार सुरू असताना आज दुपारी त्यांनी अखेरचा श्वास घेतला. त्यांच्या पश्चात त्यांची पत्नी व दोन मुले असा परिवार आहे. पालीवाला महाविद्यालयाचे ज्येष्ठ प्राध्यापक पुराणिक यांनी सहयोगी प्राध्यापक म्हणून 34 वर्षे काम केले. त्यानंतर 2005 ते 2014 दरम्यान त्यांनी उपप्राचार्य, राष्ट्रीय सेवा योजना जिल्हा समन्वयक म्हणून उत्तम काम केले.
