पाच वर्षांच्या मुलीवर तिच्या परिचित असणाऱ्या तरुणाने लैंगिक अत्याचार केल्याची घटना चेंबूर परिसरात घडली. याप्रकरणी आरसीएफ पोलिसांनी गुन्हा नोंद करून तरुणाला अटक केली. त्याला पोलीस कोठडी सुनावली आहे.
पीडित मुलगी चेंबूर परिसरात राहते. शुक्रवारी ती तिच्या बहिणीसोबत शेजारी राहणाऱ्या एका मैत्रिणीकडे खेळण्यासाठी गेली होती. तिथे राहणाऱ्या एका तरुणाने तिला तिच्या घराच्या पोटमाळय़ावर आणले. तिच्यासोबत नकोसे कृत्य केले. तसेच तिला त्याने धमकीदेखील दिली. मुलीला त्रास होऊ लागल्यावर तिच्या आईने तिला विचारणा केली, तेव्हा हा प्रकार समोर आला. मुलीच्या आईने आरसीएफ पोलीस ठाण्यात धाव घेतली.
