कुर्ला विधानसभेत मिंधे गटाला खिंडार पडले असून अनेक कार्यकर्त्यांनी नुकताच शिवसेनेत प्रवेश केला. शिवसेना नेते, सचिव विनायक राऊत यांच्या उपस्थितीत शिवसेना उपनेते, कुर्ला विधानसभेचे निरीक्षक दत्ताजी दळवी यांच्या मार्गदर्शनानुसार प्रभाग क्र. 167 मधील मिंधे गटाचे शाखाप्रमुख इमरान शेख, शाखा समन्वयक खालिद शेख, सोशल मीडिया समन्वयक फरहान शेख यांच्यासह सर्व उपशाखाप्रमुख, गटप्रमुख यांनी शिवसेनेत प्रवेश केला. कुर्ला विधानसभाप्रमुख मनीष मोरजकर, उपविभागप्रमुख समीर हिरडेकर, शाखाप्रमुख फारूख गोलंदाज आदी यावेळी उपस्थित होते.
