अक्षय कुमारचा ‘भूल भुलैया’ सिनेमा आणि कार्तिक आर्यनचा भाग 2 बॉक्स ऑफिसवर प्रचंड गाजला. तेव्हापासून चाहत्यांना ‘भुलभुलैया 3’ सिनेमाची उत्सुकता लागली होती. मात्र त्यांची प्रतिक्षा संपली आहे. या सिनेमाचे नवीन पोस्टर रिलीज करण्यात आले असून या सिनेमाच्या टीझरची तारीखही समोर आली आहे.
विद्या बालन पुन्हा एकदा मंजुलिकेच्या भूमिकेत चाहत्यांना दिसणार आहे. निर्माते या सिनेमाचे एकापाठोपाठ एक पोस्टरही शेअर करत आहेत. पोस्टर शेअर केल्यानंतर आता ‘भुलभुलैया 3’ सिनेमाच्या टिझरची तारीखही जाहीर केली आहे.
‘भुलभुलैया 3’ सिनेमाने निर्माते अनीस बज्मी दिग्दर्शित ‘भुलभुलैया 3’ सिनेमाचे मोशन पोस्टर रिलीज केले आहे, त्याला प्रेक्षकांकडून चांगला प्रतिसाद मिळाला आहे. या सिनेमात विद्या बालनसह कार्तिक आर्यन आणि तृप्ती डिमरी दिसणार आहेत.
पिंकविल्लाच्या वृत्तानुसार, निर्माते ‘भूल भुलैया-3’ चे टीझर या आठवड्यात म्हणजेच 27 सप्टेंबर रोजी रिलीज करणार आहेत. टीझर रिलीजच्या तारखेबद्दल अद्याप कोणतीही अधिकृत माहिती शेअर केलेली नाही. हा 1 मिनिट 32 सेकंदाचा टीझर सेन्सॉर बोर्डाने U/A प्रमाणपत्रासह पास केला होता.
