महाराष्ट्र विधानसभा निवडणुकीमध्ये जोगेश्वरी पूर्व मतदारसंघात शिवसेना (उद्धव बाळासाहेब ठाकरे) पक्षाच्या अनंत (बाळा) नर यांनी विजय खेचून आणला. ‘निष्ठावान शिवसैनिक’ अशी ओळख असलेल्या अनंत (बाळा) नर यांनी मनीषा वायकर यांच्यावर मात करत शिवसेनेचा भगवा फडकवला.
जोगेश्वरी पूर्व मतदारसंघाने अनेक वर्षे शिवसेनेलाच साथ दिली आहे. गद्दारीनंतरही जोगेश्वरीकरांनी निष्ठावान शिवसैनिक अनंत (बाळा) नर यांना विधानसभेत पाठवले. चुरशीच्या लढतीत अनंत (बाळा) नर यांनी 1,522 मतांनी विजय मिळवला.
नुकत्याच झालेल्या लोकसभा निवडणुकीत जोगेश्वरीमधून शिवसेनेला मताधिक्य मिळाले होते. नर यांनी नगरसेवकपदाच्या कारकीर्दीत प्रत्येक विभागातील नागरी कामांना प्राधान्य दिले. याचाही फायदा त्यांना झाला. त्यांना 76,615 मते, तर मनीषा वायकर यांना 75,093 मते मिळाली.
जोगेश्वरी पूर्व मतदारसंघातून शिवसेना (उद्धव बाळासाहेब ठाकरे) पक्षाचे उमेदवार अनंत बाळा नर विजयी, मिंधे गटाच्या मनीषा वायकर यांचा केला पराभव#MaharashtraElection2024 #ElectionResults pic.twitter.com/OC9JVEwl1E
— Saamana Online (@SaamanaOnline) November 23, 2024
