अल्पवयीन मुलीचा विनयभंग केल्याप्रकरणी एकाला अंधेरी पोलिसांनी अटक केली. त्याला पोक्सो न्यायालयाने पोलीस कोठडी सुनावली आहे. तक्रारदार या अंधेरी परिसरात राहतात. तर अटक आरोपीदेखील अंधेरी परिसरात राहतो. ते दोघे एकमेकांच्या परिचित आहेत. रविवारी ती मुलगी इमारतीच्या सहाव्या मजल्यावर गेली होती. तेव्हा अटक आरोपी तेथे आला. त्याने मुलीला आईस्क्रीमचे आमिष दाखवून घरी नेले. तसेच तिच्यासोबत नकोसे कृत्य केले. त्या घटनेने मुलगी घाबरली. तिने याची माहिती तिच्या कुटुंबीयांना दिली. त्यानंतर मुलीच्या आईने अंधेरी पोलीस ठाण्यात धाव घेतली. पोलिसांनी गुन्हा नोंद केला. गुन्हा नोंद होताच एकाला पोलिसांनी अटक केली. त्याला अटक करून विशेष पोक्सो न्यायालयात हजर केले होते.